सपोउनि सुभाष म्हात्रे यांना पोलिस महासंचालक पदक

खालापूर / प्रतिनिधी :- खालापूर पोलिस ठाणे येथे कर्तव्यदक्ष असलेले सहाय्यक पोलिस उपनिरीक्षक सुभाष म्हात्रे यांच्या उल्लेखनिय कामाची दखल घेत त्यांनि आलिबाग  पोलिस ग्राउंड येथे महाराष्ट्र दिनानिमित्त आयोजित कार्यक्रमात महिला व बालकल्याण मंत्री आदितीताई तटकरे यांच्या हस्ते पोलिस महासंचालक पदक देवून सन्मानित करण्यात आले.

              

पोलिस खात्यात काम करीत असतांना त्यांनी आपल्या बुद्धी चातुर्याचा उपयोग करुन गुन्हेगारांच्या मुसक्या आवळल्या. यामध्ये त्यांचे मोठे योगदान आहे. विविध प्रकारे गुन्हे उघडकीस आणले, त्यांच्या या कामाची दखल घेवून हे पदक बहाल करण्यात आले. तसेच रायगड जिहा पोलिस कबड्डी संघामध्ये देखील बरीच वर्षे उल्लेखनीय कामगिरी केल्याचे समजते.

          

पोलिस ठाण्यात प्रत्येकांस सन्मानपूर्वक वागणूक देवून सामाजिक, जातीय व राजकीय समस्या हाताळण्याचे त्यांच्या जवळ कसब आहे. गेली अनेक वर्ष पोलिस खात्यात काम करीत असतांना आजवर पाली, रसायनी तसेच खालापूर पोलिस ठाणे येथे सहाय्यक पोलिस उपनिरीक्षक म्हणून ते कार्यरत आहेत. त्याचबरोबर त्यांचा जनसंपर्क उत्तम असून त्यांनी केलेले कार्य उल्लेखनिय असल्याचे प्रतिपादन पोलिस महासंचालक पदक प्रदान करतांना आपल्या मनोगतात उपस्थित पोलिस अधिकारी यांनी व्यक्त केले.