काँग्रेसचे नगराध्यक्ष पदाचे उमेदवार तौफीक करजीकर मैदानात - जनहिताचा भक्कम वचननामा जाहीर

* शिक्षण, रोजगार, महिला संरक्षण, सामाजिक न्याय आणि सर्वसमावेशक विकासाला प्राधान्य

* अल्पसंख्याक, दलित, गरीब, गरजू व युवकांसाठी बहुआयामी घोषणा : खोपोली नगर परिषद निवडणूक 2025

खोपोली / फिरोज पिंजारी :- खोपोली नगर परिषद निवडणुकीला वेग आला असून काँग्रेस पक्षाकडून नगराध्यक्ष पदासाठी तौफीक मजिद करजीकर यांनी उमेदवारी अर्ज भरला आहे. करजीकर यांनी जनतेसमोर सर्वसमावेशक जनहिताचा वचननामा जाहीर केला असून, खोपोलीच्या सर्वांगीण विकासासाठी अनेक महत्त्वाकांक्षी योजनांची घोषणा केली आहे.

जनतेचा उत्स्फूर्त पाठिंबा मिळालेल्या या प्रचार मोहिमेमध्ये करजीकर यांनी गरीब, दलित, अल्पसंख्याक, मागासवर्गीय, महिला, युवक आणि सर्वसामान्य नागरिकांना केंद्रस्थानी ठेवून कामे प्राधान्याने करण्याचे स्पष्ट आश्वासन दिले आहे.

* करजीकर यांचा जनहिताचा वचननामा :- काँग्रेस पक्षाचे नगराध्यक्ष पदाचे उमेदवार तौफीक मजिद करजीकर यांनी खोपोली शहरात ऐतिहासिक स्मारकांची उभारणी करण्यात जाहीर केले आहे. यात साहित्यरत्न लोकशाहीर डॉं. आण्णाभाऊ साठे यांचे पूर्णाकृती स्मारक व संत रोहिदास महाराजांचे भव्य स्मारक व समाज मंदिर, समाजाच्या शैक्षणिक आणि आर्थिक विकासासाठी उभारणर असल्याचे त्यांनी म्हटले आहे. 

* शिक्षण व स्पर्धा परीक्षांसाठी विशेष केंद्र :- डॉ. बाबासाहेब आंबेडकर संशोधन व प्रशिक्षण केंद्र (BARC/ BARTI) यांच्या माध्यमातून यूपीएससी - एमपीएससी या स्पर्धा परिक्षांच्या तयारीसाठी अत्याधुनिक स्पर्धा परीक्षा केंद्र सुरू करणार.

* महिला व युवकांचे सक्षमीकरण :- शासकीय योजना व महामंडळांच्या माध्यमातून माता-भगिनींना स्वरोजगाराच्या माध्यमातून सक्षम करण्यावर भर देणार सोबतच छत्रपती शिवाजी महाराजांच्या नावाने महिला सुरक्षा प्रशिक्षण वर्ग सुरू करणार असल्याचे त्यांनी सांगितले. 

* पत्रकार बांधवांसाठी विशेष सुविधा :- खोपोलीतील पत्रकारांसाठी शासनाच्या मदतीने सुसज्ज सभागृह उभारण्याची घोषणा करजीकर यांनी आपल्या घोषणापत्रात केली आहे.

* करजीकरांची जनतेला विनंती :- हाताचा पंजा, समोरील एक नंबरचे बटण दाबून मला प्रचंड बहुमताने विजयी करा, जेणेकरून खोपोली शहराच्या सर्वांगीण विकासासाठी मी निष्ठेने सेवा करू शकेन.

दरम्यान, काँग्रेसचे नगराध्यक्ष पदाचे उमेदवार तौफीक करजीकर यांच्या समर्थनार्थ शिवशाही व्यापारी संघ, महाराष्ट्र राज्य मैदानात उतरली आहे. तौफीक करजीकर यांच्या उमेदवारीमुळे खोपोलीच्या राजकारणात नवीन समीकरणे निर्माण झाली असून, सर्वसामान्य मतदारवर्गांकडून त्यांच्या वचननाम्याला चांगला प्रतिसाद मिळत आहे.