सरदार एस. के. पवार विद्यालयात संविधान दिन उत्साहात साजरा

* प्रभातफेरी, पथनाट्य, व्याख्यानमाला - विद्यार्थ्यांचा उत्स्फूर्त सहभाग

नगरदेवळा / प्रतिनिधी :- सरदार एस. के. पवार माध्यमिक व उच्च माध्यमिक विद्यालयात बुधवार, 26 नोव्हेंबर 2025 रोजी संविधान दिन अत्यंत उत्साहात व शिस्तबद्ध वातावरणात साजरा करण्यात आला. कार्यक्रमाच्या अध्यक्षस्थानी प्राचार्य के. एन. काटकर सर तर प्रमुख पाहुणे म्हणून उपप्राचार्य व्ही. बी. गहेरवाल सर उपस्थित होते.

* प्रभातफेरीने संविधान दिनाची सुरुवात :- सकाळी विद्यार्थ्यांची विशाल प्रभातफेरी नगरदेवळा गावातील मुख्य मार्गांनी काढण्यात आली. विद्यार्थ्यांनी हातात फलक घेत “संविधान आपली शान”, “भारतीय असल्याचा अभिमान” अशा घोषणांनी नागरिकांचे लक्ष वेधले. नदीपात्रात विद्यार्थ्यांनी संविधान दिन जनजागृतीचे नारे देत परिसर दुमदुमून सोडला. गावातील नागरिक, पालक व व्यापारी वर्गांने विद्यार्थ्यांचे मनापासून कौतुक केले.

* संविधान विषयावरील पथनाट्याने प्रेक्षक मंत्रमुग्ध :- विद्यालयात आयोजित मुख्य कार्यक्रमात पी. आर. तायडे सर यांनी लिहिलेले ‘संविधानाचे महत्त्व’ या पथनाट्याचे सादरीकरण विद्यार्थ्यांनी केले. सर्वेश शिरूडे व चैताली धनराळे यांच्या प्रभावी अभिनयाने संविधान म्हणजे काय ? नागरिकांचे अधिकार - कर्तव्ये, कायद्याचे महत्व हे मुद्दे अत्यंत सोप्या भाषेत विद्यार्थ्यांसमोर मांडले. पथनाट्याला विद्यार्थ्यांचाही भरभरून प्रतिसाद मिळाला.

* विद्यार्थी व शिक्षकांचे भाषणांनी कार्यक्रमात भर :- उर्दू विभागातील विद्यार्थी मोहम्मद जियाउद्दीन यांनी मराठीतून प्रभावी भाषण सादर केले. पी. आर. तायडे सर यांनी संविधान निर्मितीचा इतिहास स्पष्ट केला. एस. पी. बावस्कर सर यांनी संविधान दिनाचे महत्त्व सांगत भारतीय कायदा व शासन रचनेची माहिती दिली. इकबाल शेख सर यांनी उर्दूमधून संविधान दिनाचे महत्त्व स्पष्ट केले. प्राध्यापिका ए. पी. आमोदे यांचे प्रेरणादायी व्याख्यान, पी. एन. भोसले सर यांनी संविधानातील विविध कलमांची माहिती देत डॉं. बाबासाहेब आंबेडकर यांच्या योगदानाचे विशेष अधोरेखन केले. सूत्रसंचालन एस. ए. ठाकूर व एस. पी. बावस्कर यांनी तर आभार एहतेशाम शेख व श्रीमती के. एस. शाह यांनी मानले.

कार्यक्रम यशस्वीतेसाठी पर्यवेक्षक डी. पी. राजपूत, एस. आर. महाजन, नवल बागूल, वृशाल पाटील, कल्पेश शिरुडे, बिस्मिल्ला खान, प्रशांत खलाने यांनी परिश्रम घेतले.

संविधान दिन उत्सवाने विद्यार्थ्यांमध्ये लोकशाही मूल्ये, अधिकार - कर्तव्यांची जाणीव आणि राष्ट्रीय एकात्मता यांची प्रेरणा जागवली. विद्यालयाने आयोजित केलेल्या या बहुआयामी कार्यक्रमामुळे संविधान दिन खऱ्या अर्थाने अर्थपूर्ण आणि यशस्वी ठरला.