* फेब्रुवारीत होणाऱ्या शिष्यवृत्ती परीक्षेसाठी उर्दू विभाग सज्ज
* विद्यार्थ्यांना मुख्याध्यापक व शिक्षकांकडून शुभेच्छा
नगरदेवळा / प्रतिनिधी :- सरदार एस. के. पवार माध्यमिक विद्यालय, नगरदेवळा येथील उर्दू विभागात शिष्यवृत्ती परीक्षेसाठी विशेष मार्गदर्शक प्रश्नसंच पुस्तकांचे वितरण कार्यक्रम मोठ्या उत्साहात पार पडला. हा कार्यक्रम 27 नोव्हेंबर 2025 रोजी आयोजित करण्यात आला होता.
* विद्यार्थ्यांना पुस्तकांचे वाटप :- शिष्यवृत्ती परीक्षेला प्रविष्ट झालेल्या विद्यार्थ्यांना अभ्यास अधिक सोपा व्हावा आणि योग्य तयारी करता यावी यासाठी ही पुस्तके वितरित करण्यात आली. पुस्तकांचे वितरण शाळेचे मुख्याध्यापक किरण काटकर सर यांच्या हस्ते करण्यात आले. या उपक्रमासाठी पुस्तकांची उपलब्धता उर्दू विभागाचे शिक्षक सादीक शेख सर यांनी केली.
कार्यक्रमावेळी मनीषा जाधव मॅडम (पर्यवेक्षिका), समाधान ठाकूर सर, जाकीर अली सर, इकबाल सर, कलीम सर, सादीक सर, जहांगीर सर, एहतेशाम सर, वकार सर, अफरोज सर, मोहसीन सर, इरम मॅडम, राकेश सोनवणे सर आदी उपस्थित होते.
मुख्याध्यापक किरण काटकर सरांनी विद्यार्थ्यांना मनःपूर्वक शुभेच्छा देत शिष्यवृत्ती परीक्षा ही विद्यार्थ्यांच्या बुद्धिमत्ता आणि अभ्यासक्षमतेला घासून घेणारी महत्त्वाची संधी आहे. योग्य अभ्यास आणि सातत्य ठेवा, असे प्रोत्साहनपर उद्गार काढले. त्यांनी सादीक सरांनी विद्यार्थ्यांसाठी केलेल्या प्रयत्नांबद्दल विशेष अभिनंदनही केले.
* उर्दू विभागाची परीक्षा तयारी जोमात :- पर्यवेक्षिका मनीषा जाधव मॅडम यांनीही विद्यार्थ्यांना शुभेच्छा देत फेब्रुवारी महिन्यात होणाऱ्या शिष्यवृत्ती परीक्षेत उत्तम यश मिळवण्यासाठी संपूर्ण उर्दू विभाग कार्यरत असून विद्यार्थ्यांना सर्वतोपरी मदत करणार आहे, अशी ग्वाही दिली.

Post a Comment
0 Comments