महिलांच्या सुरक्षेसाठी आणि युवकांच्या भविष्यासाठी भाजपला साथ द्या !

* मुक्ताईनगरचा चेहरामोहरा बदलण्यासाठी भावना महाजन यांना एक संधी द्या - केंद्रीय मंत्री रक्षा खडसे 

मुक्ताईनगर / प्रतिनिधी :- मुक्ताईनगरातील दडपशाही संपवण्यासाठी, महिला आणि मुलींच्या सुरक्षिततेसाठी तसेच युवकांच्या उज्ज्वल भविष्यासाठी सामान्य कार्यकर्त्या भावना ललित महाजन आणि भारतीय जनता पक्षाच्या सर्व उमेदवारांना साथ द्यावी, असे थेट आवाहन केंद्रीय मंत्री रक्षा खडसे यांनी मतदारांना केले आहे. मुक्ताईनगरातील विविध प्रभागांमध्ये फिरून त्या भाजपच्या उमेदवारांच्या प्रचारार्थ मतदारांशी संवाद साधत आहेत.

* एकदा संधी द्या, मुक्ताईनगरचा चेहरा मोहरा बदलून दाखवू :- रक्षा खडसे म्हणाल्या की, मुक्ताईनगरमध्ये दोन नंबरचे अवैध धंदे थांबवायचे असतील, महिलांना सुरक्षित वातावरण द्यायचे असेल आणि युवकांसाठी रोजगार व विकासाची दिशा निश्चित करायची असेल, तर भावना महाजन यांना नगराध्यक्ष म्हणून एक संधी द्या. आम्ही मुक्ताईनगरचा चेहरा मोहरा बदलून दाखवू.

त्या पुढे म्हणाल्या की, स्थानिक पातळीवर अनेक वर्षांपासून सुरू असलेले अडथळे, भीतीचे वातावरण आणि अव्यवस्था दूर करून मुक्ताईनगरला सुशासन, सुरक्षितता आणि विकासाचा नवा आरंभ मिळेल.

* सामान्य कुटुंबातील कार्यकर्ती भावना महाजन :- सामान्य घरातून आलेल्या भावना ललित महाजन या महिला सुरक्षेचे प्रश्न, युवकांचे रोजगार, शहर विकास, भ्रष्टाचार व अवैध धंद्यांविरोधातील लढा या मुद्द्यांवर स्पष्ट भूमिका मांडत आहेत. भाजपने त्यांना नगराध्यक्ष पदाची उमेदवारी देत “साध्या कार्यकर्त्याला संधी” हा संदेश दिल्याचे खडसे यांनी सांगितले.

* मुक्ताईनगरच्या सर्वांगीण विकासासाठी भाजप कटिबद्ध :- रक्षा खडसे यांनी सांगितले की, शहरातील मूलभूत सुविधा...रस्ते, पाणीपुरवठा, स्वच्छता...महिला आणि युवकांसाठी विशेष योजना...अवैध धंदे व गैरप्रकारांवर कठोर कारवाई या सर्व बाबींमध्ये भाजपची टीम जबाबदारीने काम करेल. मुक्ताईनगरचा विकास हा आमचा वचनबद्ध अजेंडा आहे. या निवडणुकीत भाजपला साथ देऊन बदलाची सुरुवात करा, असे आवाहन त्यांनी मतदारांना केले.

* प्रभागनिहाय प्रचारात उत्साह :- मुक्ताईनगरातील प्रत्येक प्रभागात केंद्रीय मंत्री रक्षा खडसे थेट भेटी देत असून नागरिकांकडूनही चांगला प्रतिसाद मिळत आहे. भावना महाजन यांच्या उमेदवारीमुळे महिला मतदारांमध्ये विशेष उत्सुकता दिसून येत आहे.