Type Here to Get Search Results !

सज्जन अग्रवाल व मायाताई अग्रवाल यांच्या लग्न वाढदिवसानिमित्त अन्नदान कार्यक्रम संपन्न

* मानव सेवा फाऊंडेशन, अकोला यांचा सलग सात वर्षांचा सामाजिक उपक्रम - गरजूंना अन्नदान व हिवाळ्यात ब्लँकेट वितरण

अकोला / प्रतिनिधी :- मानव सेवा फाऊंडेशन सामाजिक व सार्वजनिक मंडळ, अकोला या संस्थेद्वारे नोव्हेंबर 2018 पासून कोणताही खंड न पडता सातत्याने होत असलेल्या अन्नदान उपक्रमाला आज पुन्हा एकदा सामाजिक बांधिलकीची जोड मिळाली.

29 नोव्हेंबर 2025 रोजी The Canvassing Agents Associations, अकोल्याचे अध्यक्ष सज्जन अग्रवाल आणि त्यांच्या पत्नी मायाताई अग्रवाल यांच्या लग्न वाढदिवसानिमित्त जिल्हा शासकीय स्त्री रुग्णालय, अकोला येथे गोरगरिब रुग्णांच्या नातेवाईकांना अन्नदान करून वाढदिवसाचा सन्मानपूर्वक उत्सव साजरा करण्यात आला.


* मानव सेवा फाऊंडेशनचा सातत्यपूर्ण उपक्रम :- संस्था दर शनिवारी सकाळी 9 वाजता गोर गरिब रूग्ण व रुग्णांच्या नातेवाईकांना अन्नदान करते. तसेच दरवर्षी नोव्हेंबर-डिसेंबर महिन्यात ब्लँकेट, चादरी, उलन कानटोपी वाटप करून रस्त्यांवर झोपणाऱ्या आणि गरजू लोकांना हिवाळ्यातील संरक्षण दिले जाते.


* लग्न वाढदिवसानिमित्त सामाजिक भान :- अन्नदान कार्यक्रमात संस्थेचे राजेश धनगावकर, सीताराम मुंदडा, नारायण भाला, विवेक सातपुते, राहुल खंडाळकर, कैलास खरात, सिद्धार्थ इंगळे, सौ. व श्री. कुंभार तसेच इतर सर्व सदस्यमंडळी आदी उपस्थित होते. सर्व मान्यवरांनी अग्रवाल दाम्पत्याला वाढदिवसाच्या हार्दिक शुभेच्छा दिल्या आणि त्यांच्या उत्तम आरोग्यासाठी आई तुळजाभवानीच्या चरणी प्रणाम करून प्रार्थना केली.


* या वर्षीही ब्लँकेट व उबदार वस्तूंचे वितरण :- मानव सेवा फाऊंडेशन सामाजिक व सार्वजनिक मंडळ, अकोला यांच्या वतीने या नोव्हेंबरमध्येही गरजूंसाठी उबदार साहित्य वाटप करण्यात येणार आहे. या उपक्रमात सहभागी होऊ इच्छिणाऱ्या समाजहितैषी व्यक्तींनी संस्थेच्या संबंधित सदस्यांशी संपर्क साधावा, असे आवाहन संस्थेतर्फे करण्यात आले आहे.


Post a Comment

0 Comments