* परिवर्तन विकास आघाडीचे उमेदवार सुनील पाटील यांच्या 'डॉंक्टर' पदवीवर आक्षेप
* वैद्यकीय तज्ञ डॉं. हेमंत पाटील यांनी निवडणूक निर्णय अधिकाऱ्यांकडे तक्रार
* जनतेची दिशाभूल होत आहे, समाधान न मिळाल्यास न्यायालयात जावू
खोपोली / प्रतिनिधी :- खोपोली नगर परिषद सार्वत्रिक निवडणूक 2025 शांततेत आणि पारदर्शकपणे पार पडत असताना एक नवा वाद समोर आला आहे. परिवर्तन विकास आघाडीचे नगराध्यक्ष पदाचे उमेदवार सुनील गोटीराम पाटील यांनी निवडणूक प्रचारादरम्यान वापरलेल्या ‘डॉंक्टर’ पदवीविषयी गंभीर आक्षेप नोंदविण्यात आला आहे.
* नामनिर्देशनात सुनील गोटीराम पाटील व प्रचारात डॉं. सुनील पाटील ? :- तक्रारदार वैद्यकीय तज्ञ डॉं. हेमंत पाटील यांनी म्हटले आहे की, नामनिर्देशन पत्रात उमेदवाराचे नाव केवळ सुनील गोटीराम पाटील असे नमूद आहे. मात्र, प्रचार मोहीम, सोशल मीडियावरील पोस्टर, बॅनर आणि सभांमध्ये उमेदवार स्वतःला ‘डॉंक्टर सुनील पाटील’ म्हणून परिचित करून देत आहेत. हे मतदारांची दिशाभूल करण्याचा प्रकार असून कायदेशीरदृष्ट्या चुकीचे आहे. यासंदर्भात त्यांनी 29 नोव्हेंबर रोजी निवडणूक निर्णय अधिकाऱ्यांकडे लेखी तक्रार दाखल केली.
* जनतेची फसवणूक टाळण्यासाठी कारवाई आवश्यक” - डॉं. हेमंत पाटील :- प्रस्तुत प्रकरणाबद्दल माध्यमांशी बोलताना तक्रारदार डॉं. हेमंत पाटील म्हणाले की, ही तक्रार राजकीय नाही. मतदारांची फसवणूक होऊ नये म्हणून आम्ही कारवाईची मागणी केली आहे. जर निवडणूक निर्णय अधिकारी समाधानकारक कारवाई करत नसतील, तर आम्ही न्यायालयात दाद मागू.
त्यांनी हेही सांगितले की उमेदवाराने वैध, मान्यताप्राप्त वैद्यकीय पदवी नसताना “डॉक्टर” हा उल्लेख करणे कायद्यानुसार गुन्हा ठरतो.
* निवडणूक निर्णय अधिकारी - प्रतिसाद अद्याप नाही :- या तक्रारीवर प्रतिक्रिया जाणून घेण्यासाठी निवडणूक निर्णय अधिकाऱ्यांशी संपर्क साधला असता अधिकृत प्रतिक्रिया मिळालेली नाही.
* राजकीय वातावरणात अचानक खळबळ :- खोपोली निवडणुकीत हा वाद चांगलाच चर्चेचा विषय ठरला आहे. निवडणुकीच्या तोंडावर असा आरोप, 'डॉंक्टर’ उपाधीचा वापर, मतदारांच्या मनात निर्माण झालेला संभ्रम यामुळे निवडणूक वातावरणाला अनपेक्षित कलाटणी मिळाली आहे.
या प्रकरणावर निवडणूक प्रशासन कोणती कारवाई करते आणि उमेदवाराकडून यावर काय स्पष्टीकरण दिले जाते, हे पाहणे महत्त्वाचे ठरणार आहे.
Post a Comment
0 Comments