प्रभाग विकासासाठी तरुण उमेदवार उज्वल अनिल महाजन यांची दमदार एंट्री

* 'घड्याळ’ निशाणीवर विजयाचा संकल्प ; युवक - गृहिणींचा सर्वांगीण सक्षमीकरणाचा व्हिजन जाहीर

भडगांव / फिरोज पिंजारी :- भडगांव नगर परिषद निवडणुकीत प्रभागातील युवक, महिलांना रोजगार - शिक्षणाच्या संधी देण्याचा ठोस संकल्प करीत उज्वल अनिल महाजन (निशाणी - घड्याळ) यांनी प्रभाग क्रमांक 9 साठी आपला विस्तृत विकास व्हिजन जाहीर केला आहे. सर्वसामान्य घरातून आलेल्या या तरुण उमेदवाराने प्रभागातील लोकांचा विश्वास हीच आपली सर्वात मोठी ताकद असल्याचे सांगत निवडणुकीत दमदार लढत देण्याची तयारी दर्शवली आहे.

* युवकांसाठी शिक्षण, खात्रीच्या नोकऱ्या हीच आमची विकासाची ग्वाही :- उज्वल महाजन यांनी स्पष्ट केले की, प्रभागातील प्रत्येक तरुण सक्षम व्हावा, चांगले शिक्षण मिळावे आणि योग्य नोकरी मिळावी, यासाठी ते काम करणार आहेत. दर्जेदार शिक्षणाची हमी, करिअर मार्गदर्शन केंद्र, स्मार्ट स्किल ट्रेनिंग, कंपन्यांशी रोजगार संधींसाठी समन्वय असे आश्वासन त्यांनी दिले आहे.।मी तरुण आहे…बोलायला नाही, काम करून दाखवायला उभा आहे, असे त्यांनी स्पष्ट केले.

* गृहिणींसाठी घरबसल्या रोजगाराची नवी दिशा :- प्रभागातील हजारो महिलांना आर्थिकदृष्ट्या सक्षम करण्याचा संकल्प उज्वल महाजन यांनी व्यक्त केला आहे. त्यांच्या वचनांमध्ये गृहिणींना घरबसल्या रोजगार प्रशिक्षण, स्वतःचा छोटा व्यवसाय सुरू करण्यासाठी मदत, महिला सेल्फ - हेल्प गटांना बळकटी, घर संभाळणाऱ्या गृहिणींना स्वतःचा व्यवसाय, स्वतःची कमाई - विकासाची नवी दिशा, हाच आमचा संकल्प असल्याचे ते म्हणाले.

*'स्मार्ट काम - स्मार्ट विकास : तरुणाईला भावणारा मंत्र :- आजच्या बदलत्या युगानुसार प्रभागाला “स्मार्ट विकास” देणे आवश्यक असल्याचे उज्वल महाजन यांचे मत आहे. स्मार्ट स्ट्रीट लाइट, ई-गव्हर्नन्स सुविधा, डिजिटल लायब्ररी, युवकांसाठी स्मार्ट वर्कस्पेस, जड काम नव्हे…स्मार्ट काम - हा आमचा संकल्प आहे, त्यांनी नमूद केले आहे.

* उशीर झाला…पण आता विकासाला ब्रेक नाही :- उज्वल महाजन यांनी प्रभागातील अनेक दुर्लक्षित भागांना न्याय मिळवून देण्याची हमी दिली आहे. पायाभूत सुविधा, स्वच्छता, रस्ते, दिवे, पिण्याचे पाणी, क्रीडा सुविधा यासाठी सर्वसमावेशक योजना राबविण्याचा त्यांचा निर्धार आहे. विकास अपूर्ण राहिलेल्या भागांना न्याय मिळवण्यासाठी मी उभा आहे, असा एल्गार त्यांनी केला आहे.

* मी सर्वसामान्य घरातील, उच्च शिक्षित तरुण…लोकांचा संघर्ष मला माहित :-  उज्वल महाजन यांनी आपल्या पार्श्वभूमीविषयी सांगितले की, मजूर घरातील अनुभव, संघर्षातून घडलेले व्यक्तिमत्त्व, उच्च शिक्षण, प्रामाणिक काम करण्याची तयारी असे सांगत ते म्हणाले की, माझ्याकडे बल कमी असले, तरी माझा प्रभाग आणि माझी जनता हीच माझी खरी ताकद आहे.

* लोकशाहीचा ‘खऱ्या’ अर्थाने विकास :- उज्वल महाजन यांनी निवडणुकीत कोणाशी संघर्ष किंवा वैयक्तिक स्पर्धा नसल्याचे नमूद केले. काम आमच्या मनाने नाही - लोकांच्या विचाराने होणार, हीच खरी विकास ग्वाही आहे, असे सांगत ते पुढे म्हणाले की, कुणाशी विरोध नाही…पण आपल्या भागाचाही विकास हवा, हिच अपेक्षा आहे.

उज्वल महाजन यांचा संदेश स्पष्ट आहे की, संधी द्या...विकास दाखवतो. विश्वास ठेवा...प्रभागाचा कायापालट करतो. एकदा संधी द्या - विकासाचं सोनं करून दाखवेन, असे आवाहन त्यांनी केले आहे.